خالتي: مشا بالليل ومبغاش يفيقك كنتي ناعسة...قالي سلمي عليها...

انا نورة..فعمري عشرين عام ..بنت عادية ..كأيها بنت ..ساكنة فواحد المدينة صغيرة ..نجحت فالباك وجلست فالدار بحكم معندناش جامعة فمدينتي..فالحلم هنا فين وقف ..ولكن كلشي غايتبدل نهار جات خالتي لعندنا وبقات تهضر معانا .مللي عرفاتني جلست لهاد السبب اقترحات عليا انه تديني معاها لمدينتها ..حيت هي ساكنة فمدينة كبيرة ..وكاينة فيها جامعة ممكن نكمل فيها قرايتي ..ولكن بابا رفض ..بسبب انه عندها دراري ..وخاف عليا ..ولكن هي حلفات وتحلفات انه ميقيصني تا حاجة ...وانه ولادها مربيين ..وواعداتو انه منحتكش بيهم..بقيت كنرغب بابا ..وكنطلبو ..حيت كانت عندي رغبة شديدة فأنه نكمل قرايتي ..حتى وافق فالاخير..وبديت نجمع حوايجي وانا فرحانة ..حيت واخيرا غانحقق حلمي.. مشيت مع خالتي بعدما توادعت مع عائلتي ..وواعدتهم انه نمشي عندهم فكل عطلة ..وصلنا بعد ساعات ..انا فهمت انه خالتي كانت كترغب عليا هكاك على قبل انه تلقا اللي يعاونها فالدار ..بحكم هي معندهاش البنات ..ولكن انا مكانش عندي مشكل..حيت انا غرضي نقرا ..هادا اهم شيء عندي...وصلنا للدار ودخلنا واستقبلنا واحد الدري زوين وانيق ..باين ولدها .. امين: على سلامتك الواليدة..(شاف فيا)مرحبا بيك.. نورة: شكرا.. انا حشمت وهبطت راسي ..هو بقا كيشوف فيا محيدش عينيه ..مشيت مع خالتي وراتني بيتي وحطيت فيه حوايجي.. وحاولت ننعس حيت كنت عيانة ..دخلت فغيبوبة حيت صداع الكار بقا فودني بديت كنحلم بشي هلاوس ..حتى فيقاتني خالتي ... خالتي: انورة ..نوضي تتعشاي ..راكي العشية كلها ونتي ناعسة ... نورة: خالتي ..غا حيت كنت عيانة..هاني غانوض.. نضت وغسلت وجهي وخرجت عندهم ..لقيتهم مجموعين فالطبلة وكيستناوني ..شفت فأمين ضحك عندي وعمي راجل خالتي تا هو ..ولكن كان معاهم شخص ثالث..كان مغوبش ومهبط راسو .. راجل خالتي : على سلامتك ابنتي ..رتاحيتي شوية؟.. نورة: اه اعمي شكرا.. بقاو كياكلو وحتا انا ..رفعت عيني فالشخص اللي كان معانا ..اكيد ولد خالتي تا هو ..حيت عرفت عندها جوج دراري..ولكن علاش مرحبش بيا ومالو مغوبش وحاني راسو..كمل وناض ..ومدواش.. خالتي: معاد اولدي مكليتيش ... معاد: بصحتكم .. اما امين كان كيهضر ويضحك عندي وانا كنجاوبو .. نضت غسلت الماعن وامين كيعاوني ومرافقني وتعرفنا على بعض كتر..ونسيت معاد وتصرفه معايا ..وركزت مع امين ..اللي بديت نرتاح ليه ..اللي عاوني بزاف وكان تا هو كيقرا فالجامعة..وكيمشي وكيجي معايا ..وكيعاوني فأي حاجة كتتعلق بيها...تعلقت بيه وولينا مقربين لبعض اكثر ..ولأني كنت ناقصة حنان..دغيا طحت فيه ..وكنا كنبقاو مع بعض تا فالدار فغياب خالتي ..وتجاوز الامر انه ولى كيجي عندي بالليل لبيتي ..وندوزو وقت مع بعض ..كنت كنبغيه ..وهو كيبغيني على حد تعبيرو..وكان بمثابة فارس احلامي اللي كنستنى انه نتخرجو بجوج باش يجي يخطبني ..حتى لواحد النهار ..بات ما صبح ..بقيت كنسول عليه قالتلي خالتي ..امين مشا لفرنسا .. نورة: كيفاش؟؟ كيفاش مشا.. خالتي: مشا بالليل ومبغاش يفيقك كنتي ناعسة...قالي سلمي عليها... *